韓日屋燒烤放題 (Closed)

讀書時日日蒲旺角，兆萬係格仔鋪＋影貼紙相嘅熱點，今晚重回旺角，兆萬已經變哂做飲食界熱點，層層都係放題或韓燒。我鐘意食日本野，個ＦＤ就鐘意食韓燒，咁當然就揀佐１５樓韓日屋，人老佐自然ＱＵＯＴＡ有限，經過今晚一役，得出一個結論：「青春去如水，放題趁早食」。食物種類太多，不能盡錄，晚上十點後＄１６９／位，糧尾抵食之選，食堂環境算幾靚，有ＨＥＬＬＯ－ＭＩＭＩ度高尺。雪糕飲品櫃，ＯＫ算多選擇。刺身新鮮，推薦飽魚片，易咬有口感；虎蝦ＯＫ大隻，加＄３０選擇正確。人蔘雞湯，睇你運氣，我就飲佐碗勁多人蔘味嘅，雞就比較少，算係咁啦。天婦羅炸得ＯＫ香脆，唔太油。一口黑松露螺肉餅乾，得意又好食，正！最後想講韓日屋嘅特色甜品真係好ＯＫ，唔太甜易入口，推薦中間的柚子啫喱，好彈牙。