相撲手日式放題 (Closed)

放假緊係食餐好，我地揀左去尖咀相撲手日式放題，呢到食物質素既好食，又方便食完慢慢散步行去海旁欣賞燈飾，感受下氣氛！唔知係咪因為冬天關係，覺得今次餐廳d食物質素特別正！ d松葉長腳蟹好肥美又好鮮甜，仲好大隻，好正！ 三文魚都唔錯，好肥美肥瘦比例非常好，師傅切既厚度又岩岩好，未食睇到都覺得吸引！ 赤蝦大大隻，鮮甜好味，馬刀貝新鮮得黎夠晒爽口，榮螺鮮味一d都唔韌有趙口！ 生蠔肥美得黎有海水味，夠晒鮮甜好味焗蠔都唔差，焗到熱辣辣香噴噴咁拎出黎，濃厚芝士加埋啖啖肉，真係冇得輸！ 壽司中柚子芥末帆立具值得一提，鮮甜中帶點柚子酸味，幾特別都幾好食！其他熟食簡簡單單既牛油粟米，粒粒充滿牛油香味，甜甜地粒粒都好飽滿，食落口特別滿足！ 清酒煮大蜆，清清地既味道帶出蜆既鮮甜味，都唔錯！ 其他串燒，菠蘿串都幾甜，燒蝦好爽口彈牙同牛肉串都好蔥味，都唔錯不過不失！