Video
Read full review
2022-08-28
738 views
餐廳：二世祖 (大角咀)地址：大角咀福全街18號地舖“Let’s Chill Like A Easyjoe”生活喺壓力超大嘅香港🇭🇰，有時我哋真喺好需要搵個空間、搵個時間比自己輕鬆一吓，擺脫忙碌繁重嘅生活，梳理一吓腦海入面嘅混亂同壓力🧹二世祖 @easyjoe_hk 開咗3年幾，佢哋喺大角咀一直都深受香港人愛戴同支持💕，講到最出名緊喺佢哋嘅朱古力啦，嚟到又點可以唔試呢😋二世祖主打西餐🍴，今年仲換咗新嘅廚師班底，希望嚟緊可以陸續帶一啲新嘅驚喜俾大家🎉，餐廳紅常坐滿晒人，要嚟食飯記得早啲book位。一入到餐廳就feel到呢間餐廳玩味十足，成間餐廳都有好多佈置同裝飾，仲有令人好有共鳴嘅金句，而牆上畫咗唔同同事負責各個部門嘅抽象畫作🎨：廚師、水吧、侍應……難怪連一班員工都咁有歸屬感啦😎✝️美國安格斯肉眼伴紅酒汁 $278一上枱就超級搶眼嘅牛扒🥩，成碟都灑滿唔同香料、香葉同食用乾花🌷。肉眼扒都幾大塊，佔咗成隻碟嘅長度，肉眼呢個部份嘅肌肉量比較少，充滿油花之餘肉質仲非常軟嫩，咬落多汁而帶有濃郁香醇嘅牛肉風味🐮。配菜仲有薯角、白菇🍄、車厘茄、蘆筍同烤大蒜🧄，相當豐富一啲都唔馬虎✝️芝麻汁蟹肉蜜桃配中東米
地址：大角咀福全街18號地舖
“Let’s Chill Like A Easyjoe”
生活喺壓力超大嘅香港🇭🇰，有時我哋真喺好需要搵個空間、搵個時間比自己輕鬆一吓，擺脫忙碌繁重嘅生活，梳理一吓腦海入面嘅混亂同壓力🧹
二世祖 @easyjoe_hk 開咗3年幾，佢哋喺大角咀一直都深受香港人愛戴同支持💕，講到最出名緊喺佢哋嘅朱古力啦，嚟到又點可以唔試呢😋
二世祖主打西餐🍴，今年仲換咗新嘅廚師班底，希望嚟緊可以陸續帶一啲新嘅驚喜俾大家🎉，餐廳紅常坐滿晒人，要嚟食飯記得早啲book位。一入到餐廳就feel到呢間餐廳玩味十足，成間餐廳都有好多佈置同裝飾，仲有令人好有共鳴嘅金句，
而牆上畫咗唔同同事負責各個部門嘅抽象畫作🎨：廚師、水吧、侍應……難怪連一班員工都咁有歸屬感啦😎
✝️美國安格斯肉眼伴紅酒汁 $278
一上枱就超級搶眼嘅牛扒🥩，成碟都灑滿唔同香料、香葉同食用乾花🌷。
肉眼扒都幾大塊，佔咗成隻碟嘅長度，肉眼呢個部份嘅肌肉量比較少，充滿油花之餘肉質仲非常軟嫩，咬落多汁而帶有濃郁香醇嘅牛肉風味🐮。
配菜仲有薯角、白菇🍄、車厘茄、蘆筍同烤大蒜🧄，相當豐富一啲都唔馬虎
✝️芝麻汁蟹肉蜜桃配中東米沙律 $108
完全無諗過個沙律會咁大份🤣，真喺可以當一個主菜咁食，
滿滿嘅沙律菜上面堆放咗蜜桃、手拆蟹肉🦀、車厘茄、中東米同藜麥，蟹肉一絲絲而且好足料，撈勻落沙律當中🥗，每一啖都食到蟹嘅鮮味😍，不過我自己就鍾意食清啲，所以芝麻汁另外上，可以按個人喜好加多減少去落
✝️二世祖特濃朱古力 $48
對上兩次都賣晒，今次終於比我叫到呢個每日朝頭早即日整，需要雪4個鐘以上而絕對唔會加冰，唔夠凍唔會賣，而且賣晒就無嘅二世祖特濃朱古力🤩。自己人手調製嘅72.5%朱古力漿🍫，用咗比利時同唔同國家嘅朱古力Mix埋一齊，加入明治3.6鮮牛奶🥛，每一啖都飲到嗰份細膩香醇嘅朱古力甜香同香滑牛奶，稠度仲比一般出面飲到嘅朱古力高，我個人就覺得甜咗少少，不過相信鍾意朱古力嘅人唔多唔少都會愛上😌
✝️洛神花柚子梳打 $42
洛神花嘅顏色、柚子蜜嘅甜香、梳打嘅汽泡口感🫧，大大杯嘅洛神花柚子梳打解渴消暑一流，甜甜哋清新易入口，呢個天氣叫嚟飲就啱晒🤓
Post
