Video
Read full review
2007-05-12
4 views
其實好鍾意去呢度食私房菜，去咗五六次，食到d伙計都認得我哋全家。上次出post係第一次食，兩個人真係好多野食。之後叫埋阿爸阿媽屋企人，一行五人去咗幾次，佢哋都好鍾意，不過都試過有d疑問。因為有d菜式(羔蟹年糕、瀨尿蝦、炒河)兩個人食又係咁多、五個人食又係咁多，有時見其他極都未食完，我哋食咗一陣就黎甜品。問下侍應，侍應都好有禮貌話私房菜枱枱都唔同，有時睇吓你男多d定女多d，大人多d同細路仔多d，份量會有少少唔同。當時都唔係咁同意，但係當中冇真正比較自己同人地食咗d乜，拗落去都冇謂，加上食開食熟，費事搞到咁僵，埋單走人。噚日為預祝母親節book咗位，黎到全場爆哂，坐低冇耐，有個新面口既女侍應問我個女幾大，我話三歲，佢話三歲都要收半價，我話黎咗食幾次未收過，同埋你又唔自助餐又唔係任食，你咪預返五個人份量，bb食得幾多。見侍應同老細gary哥哥講果時，已見gary哥哥板起塊面，心知不妙。可能當晚太忙太多人，我哋未叫起菜已經先後幾次拎d頭盤黎，轉頭又話俾錯拎走返。到我們起菜先黎頭盤，老婆發覺點解頭拎錯黎果d有墨魚仔，我哋就冇，侍應哥哥都好有禮貌好幽默，叫我哋唔好咁心急。點知轉頭又拎多碟鴨舌黎，我
上次出post係第一次食，兩個人真係好多野食。之後叫埋阿爸阿媽屋企人，一行五人去咗幾次，佢哋都好鍾意，不過都試過有d疑問。因為有d菜式(羔蟹年糕、瀨尿蝦、炒河)兩個人食又係咁多、五個人食又係咁多，有時見其他極都未食完，我哋食咗一陣就黎甜品。問下侍應，侍應都好有禮貌話私房菜枱枱都唔同，有時睇吓你男多d定女多d，大人多d同細路仔多d，份量會有少少唔同。當時都唔係咁同意，但係當中冇真正比較自己同人地食咗d乜，拗落去都冇謂，加上食開食熟，費事搞到咁僵，埋單走人。
噚日為預祝母親節book咗位，黎到全場爆哂，坐低冇耐，有個新面口既女侍應問我個女幾大，我話三歲，佢話三歲都要收半價，我話黎咗食幾次未收過，同埋你又唔自助餐又唔係任食，你咪預返五個人份量，bb食得幾多。見侍應同老細gary哥哥講果時，已見gary哥哥板起塊面，心知不妙。
可能當晚太忙太多人，我哋未叫起菜已經先後幾次拎d頭盤黎，轉頭又話俾錯拎走返。到我們起菜先黎頭盤，老婆發覺點解頭拎錯黎果d有墨魚仔，我哋就冇，侍應哥哥都好有禮貌好幽默，叫我哋唔好咁心急。
點知轉頭又拎多碟鴨舌黎，我哋話到咗，跟手老細gary哥就氣沖沖咁行出黎，邊啤住我哋張枱邊鬧員工。我哋都未知咩事，一頭霧水，為係佢哋搞錯哂單，老細黑面姐。
但係越食越唔對路，人哋枱枱食緊炒蜆、蒸青口、蒸魚較、煎魚腩。我哋淨係食咗頭盤(雞腳、薯皮沙律、魚皮、芋頭餅、鱈魚豆付)同羔蟹年糕(同二人食份量一樣)，跟住無啦啦黎湯，我記得上次黎得湯都差唔多食咗大半，今次咁快黎湯諗住可能今日亂姐。
食完湯似樣d啦，黎咗五隻蝦碌加一碟瀨尿蝦(同二人食份量一樣,或者多少少咁多)，跟手就黎碟排骨蒸河粉，老婆就問我點解人地枱枱都係開邊蝦蒸飯，我哋就食河粉。轉頭黎埋壽包，即係已經食完啦!!老婆見勢色唔對即刻問侍應，侍應問我哋有咩冇食，其實呢間私房菜冇菜單，真係唔知有咩食，只不過今次我哋等多過食，同埋上次經驗令我哋好留意周圍枱既食物。
所以我哋同佢講比較其他枱，海鮮方面我哋只係食咗蝦同蟹，仲有魚腩、蒸魚胶、炒蜆、蒸青口..未數完個侍應就話得得得，幫我哋跟跟。見佢又同老細gary哥講，gary哥即時黑起塊面行黎我哋強枱同我哋講：「私房菜枱枱唔同架，你唔可以同第二枱比。」「你頭先又話未食鴨舌，我同事再拎碟俾你，我已經鬧到佢死。」
我老婆忍唔住話：「我頭先唔係話冇鴨舌，係冇墨魚..唔同問吓你同事..」我老婆未講完，佢已經插咀：「唔好嘈啦！唔好嘈啦！」跟住我哋話：「我都明白私房菜次次會有唔同，枱枱會有差別，但係而家係我哋有既人有，人哋有既我哋冇，係唔係因為我一開始唔肯俾小朋友半個人頭貴，你就要減我哋d野食?」
gary歌照舊聲大夾惡：「嘈咩呀！嘈咩！有咩意思?俾你啦！而家俾你啦！咪嘈啦！」
轉頭佢同d侍應大大聲講：「煮俾佢哋食啦！」搞到全場都以為我哋貪心，搵著數，講到好似我哋提出黎係我哋唔啱。
不過同我哋熟果個侍應哥哥真係好好人，猛同我哋say sorry，又叫我哋寛恕佢老細(都唔知點做人老細，倒返轉頭要做細既幫佢幫鑊)
最後都係黎多一個魚腩咁多多，甜品都冇就要埋單走人。
臨走前環顧咁多枱，枱枱食既野都係差唔多。唔明老細所講既枱枱都唔同，可能淨係我哋呢枱唔同。
呢度有好多食評都話gary哥態度差我哋唔信，食咗好多次都冇乜野，以為係人地玩針對。估唔到今次都我哋自己乃野，仲要乃到正，預祝母親節食唔飽兼一肚氣。
我哋諗究竟係佢地d野食上錯哂枱，老細唔肯跟，定係佢有心俾少d，我哋唔出聲佢就賺多d，出聲就俾多少少我哋。
其實我都好失望好唔開心，不斷同朋友同事推介呢間野，由始至終都係想同佢講道理，解決件事。但係佢態度咁，完全唔想同我哋傾。之後想再食都唔知去唔去好，佢野食真係幾ok，不過真係睇吓gary哥心情靚唔靚。
事件會進一步交由消委會研究佢既營商手法
同時會向飲食男女，報章投訴版以及多個討論區反映
希望gary哥可以好好反省一下作出改善
Post