蓉芳 (Closed)

今日難得收早，就諗住自己食個下午茶+早dinner，路過容芳見到價錢都還好，就入去食，叫咗一份西冷牛扒意粉，意粉份量OK嘅，但係牛扒就略太熟，因為放落口有韌，個汁就好鹹啦。跟住加配左三隻雞翼，同埋薯角，雞翼都炸得幾黑，其實就有啲燶，不過撕開d皮都食得嘅，薯角就冇乜味，同埋好乾⋯最後加咗件Brownie，本身我好怕蛋糕好甜，但係收銀戴眼鏡嘅男仔好細心咁介紹啲蛋糕俾我，最後件Brownie係好食+唔係好甜嘅。下午茶時間好似都有少少忙，但係出餐都幾快，其他同事服務都好好。整體來講間餐廳除咗出品水平有待改進之外，其他嘢都係唔錯嘅，呢個價錢，唔講味道，環境同服務已經係好好👍🏻👍🏻👍🏻