餃餃餃子 (Closed)

今日黎到灣仔廈門街嘅餃餃餃子食餃子，日式餃子黎講佢都算款式多，而且店鋪裝修好日本風，好似去左日本禁啊。首先，我點左個蟹肉海老特長豪華餃子棒（$84/2件），勁足料啊，淡淡肉，蝦肉鮮甜，配埋蟹肉，味道超正。然後我再叫左個雞翼餃子（$50/2），次次日本餐廳有我都會叫嫁，因為自己成日都想整，但都覺得好浪費功夫，禁就要比錢人地啦～講番正題先，雞翼雖然有少少油，但勁多汁，食完一隻又一隻啊，之後飲杯茶咩事都無啦。食完雞翼又上左碟餃子，名叫Puri Puri 海老餃子（$45/6隻），個人認為係最好食嘅一款餃子，因為皮薄餡靚，而且煎到超脆，好香口。最後食左個紫蘇風味餃子($29/4隻），食落個味道好似蝦餃，都幾特別。建議大家食完，叫番d飲品啊，因為都偏熱氣嫁，但又要趁熱食喎。最後加埋一，2人食左$229，我覺得都好值得一試啊，因為款式多嘅日式餃子店真係唔多。