文華饕記 (Closed)

咁啱喺灣仔出沒，就喺附近搵間黃店食個下午茶先😚 文華出咗名深黃，未入去已經見到大量文宣餐廳一入到去就提供酒精比我地消毒，齊心抗疫🙌🏼值得一讚啦！下午茶時段都有八成滿，餐牌都係正常茶記菜式，唔算好有新意😹嗌咗個常餐同一份西多上菜速度好快，幾分鐘就上哂野食常餐雪菜米好足料，用新竹米粉夠咬口，太陽蛋岩岩好，蒜蓉多士就正常啦，整體都唔錯，$48配飲品，喺灣仔都算平啦反而西多就可以讚下，佢好厚身，有夾花生醬，麵包鬆軟塊牛油仲要好厚身，雖然好肥仔，但星期六就當獎勵下自己啦，唔洗10分鐘就已經食哂