糖佰府 (Closed)

人通常有兩個胃，其中一個一定預留俾甜品。縱使同朋友食泰國野食得再飽都好，都會再食多餐。過到去龍崗道，見到之前o係大坑幫襯過既糖佰府，覺得幾好，當然要幫襯下。坐低之後，老闆娘推介佢地的新產品，咁當然要支持下啦。我地叫左個雙丸椰皇紫米同窩夫，都幾正。雙丸椰皇紫米係芝麻湯丸同地瓜丸，即叫即整，送上檯時個蓋砌左個笑樣出黎，幾得意。味道係恰到好處的甜同潤，雖然天氣回暖，都值得推介。太太叫左個香蕉窩夫。之前食過啲窩夫整到好硬，呢個就岩岩好，食落覺得佢好香，都係可以一試。