Hugo Cafe (Under Renovation)

Hugo Cafe平時好少去火炭，今日去完彭福公園，順手食個飯先返去。經過駿景廣場就係比我地見到間西餐，咁就入去試下啦。餐廳燈光明亮，大部分座位都係卡位，都坐得幾舒服。而野食方面，都係主打西餐既。我地落order之後，好快就上咗面包同埋餐湯。面包有2款，一個係蒜茸包，另一款係有啲芝麻調味既，上枱既時候面包仲係暖既，作為前菜不錯。而今日既餐湯係龍蝦湯，味道帶微辣，不錯。我地叫咗2個小食，水牛雞翼同埋薯條配黑松露醬。水牛城雞翼唔係傳統果隻味道，醬汁味道温和，同平時食開既有截然不同既感覺。炸薯條食得出係即叫即炸，薯片好開脆，黑松露醬比較淡身，但仍然食到淡淡既黑松露香氣。主菜方面我地揀咗南瓜意大利青瓜芝士忌廉汁意大利飯同埋紐西蘭西冷牛扒蜜糖芥末子籽汁。意大利飯質地適中，唔會太硬，適合香港人口果。而配料都好充足，每啖充滿住青瓜同菇既香味，唔感亦幾豐富。唯獨係南瓜唔夠突出。而西冷扒我地叫咗5成熟，牛扒熟咗少少，但牛扒唔會太硬，牛扒肉味香濃。料醬既味道唔會太搶，依然食到牛扒既肉味。