街角咖啡 (Closed)

星期五去咗佐敦做嘢，lunch time經過呢間cafe，見佢有lunch set 就入去試下。座位唔多，大約有5-6張枱。Cafe以小店形式經營，有啲家庭式feel。Lunch set 價錢合理，飲品仲有半價。招牌牛肉漢堡配薯條（$88）- 我哋share食所以餐廳都好貼心同我哋切一半。個牛肉夠厚身好味，另外有香脆嘅薯條伴碟，唔驚唔飽喇～煙肉班尼迪蛋（$88）- 呢個有驚喜，估唔到會用waffle做底，個waffle 仲要好鬆軟，同啲料好夾。煙肉唔係會脆薄嗰隻bacon，即刻加晒分。連隻蛋都係流心，真係好岀色。蜜糖雞翼（$38/3件）- 我哋嗌咗兩份6件，雞翼好入味，加上塗上蜜糖係表面嘅脆雞皮仲正，真係食多兩份都得。Large oat milk Cappuccino ($53) - 咖啡味好濃郁同夠熱，嗌有杯啱晒我，但可惜燕麥味就唔太岀。凍朱古力（$38）- 個朱古力味有啲淡，但上面嗰層泡沫加朱古力粉好滑好有口感。