真‧章魚無雙 (Closed)

章魚燒 takoyaki 真係好正，每次去日本晚晚都要買黎做宵夜。呢間冇得去買嚟食唯有喺香港搵。喺香港除左之前屯門有一間好出名喺日本拜師學藝嘅章魚燒之外，都未食過其他覺得好食嘅章魚燒。香港另外有一間藍色字招牌嘅章魚燒，開咗好多分店，但係所有章魚燒都係一早整好擺喺度翻熱，如果唔係癮起都唔會去食。bookmark左呢間好耐，襯朋友遲到即刻買黎試。再等埋佢即叫即做，成個過程大概10至15分鐘左右。話長唔長，話短唔短，急既話唔好叫，廢事未等到就要走。食章魚燒當然係原味先分得出高低 $34，8粒賣相唔錯，可以再多啲木魚喺上面為更加好。有留意既話，佢成間鋪都係食開個隻沙律醬 perfect. 入口喇入口喇，即叫即做所以個皮唔會因為保暖而熱住變成油炸，仲係軟熟。每粒都有一粒大既章魚係入面，真係少係香港食到咁足料。而texture, 軟得黎唔會太“希”，軟身但唔over，稍嫌粉味過多，不過已經比坊間既章魚燒好食好多。可以既話，放多d木魚同醬汁係面會更顯風味。下次有機會都會翻兜。我好掛住屯門個間。。。但佢已經關門大吉 如果大家有其他章魚燒介紹，記得話我知。