金殿泰國菜 (Closed)

泰國菜係要定期去食，呢間就係其中一間，食物有質素，份量十足，無加一，性價比高。座位有室內和室外可供選擇。今日天熱，選擇室內，如果天氣涼啲，坐室外吃住野吹下風其實都幾好。鹽燒魚$148每次都會想吃的鹽燒魚，今次揀咗肓鰽，因為盲鰽只有中間一條大骨，魚身部份完全冇細骨（菜單還有烏頭，鱸魚可供選擇）用鹽包住去燒，少少鹹味更加帶出咗魚嘅鮮味，魚肚塞滿泰式香茅，令燒出嚟嘅魚肉完全無腥味，熱辣辣即燒即食，而且啖啖肉。食完一條仍覺唔夠喉。燒豬頸肉生菜包$85燒豬頸肉仍然保持肉汁豐富，好嫩滑而不鞋口，豬頸肉分量十足，齋食豬頸肉都唔太咸，用生菜包住食就口感咁豐富，層次又升級。馬拉盞炒通菜$65馬拉盞炒通菜幾乎是吃泰國菜館嘅必點蔬菜菜式，唔知點解通菜同馬拉盞好似係天生一對，將佢哋炒埋一齊永遠都係咁夾。椰青$35椰青好大個喎，椰青水好清甜潤喉，估唔到椰青肉都一樣厚實好味。