店主是我的舊同事，他本身也是好客好聊之人，我見佢每次都會同進店客人吹水架！店主走來走去打點一齊，父母在廚房幫忙，大家為小小的創業夢而努力！店內擺了幾張細檯，基本以外賣為主，仲有記得要係加油前面打卡啦！💪🏻💪🏻💪🏻
糖水方面，我叫左溝仔（芝麻糊+合桃糊），因是親自磨研，聽聞是限量供應，呢碗糖水甜度適中，口感順滑，印象中都係$2x，推介之一！（我掛住食，抱歉忘了影相！）
一口西多士$22
份量多，抵食，即整，最重要可以練奶、蜜糖同牛油🧈三溝，我地唔駛用刀叉切，適合懶人😂，剛好可以一口又一口甘食，超級好食！
極度推介之生炸雞髀$2x
好好好好好大件，自家醃製，即叫即炸，可能要等一陣架，但絕對是值得，每口咬下去都有肉汁彈出黎，熱辣辣，好好食！
即炸芝士薯條$18？
前三者質素太出色，反而呢個變得中規中矩，其實佢都落足料架，每條都有幾重芝士，味道幾好，不過今次我忘記轉做蕃薯條，可能感覺會更特別！
因為是套餐關係，仲送多2罐汽水，埋單是$100有找，好好好鬼抵食架，仲有呀，千其唔好等電梯上黎，會有排等，反正隔離有條樓梯，小店係1樓，行一層就到啦！
在公在私也會多多支持佢地，好似女神豬扒包都好食😋，下次會再試！
