酒燒弄 (Closed)

酒燒弄大角咀大全街43號大滿樓地下1A號舖今次嚟到呢間新開嘅串燒店，餐牌上面嘅食物賣相吸引咗我入去試吓。我哋叫咗兩款煮食，包括烤和牛上肩柳配稻庭烏冬，湯底揀咗海鮮味增湯。和牛燒得啱啱好，一啲都唔硬，係用料上乘嘅一款牛。而另一款主食就揀咗烤黑豚五花配拉麵，湯底係蕃茄濃湯，粒粒嘅新鮮蕃茄煮成嘅湯特別濃郁，每一啖都食到蕃茄嘅鮮甜味，以黑豚嘅味道亦都唔錯，肥瘦均勻。串燒方面，厚切牛舌芯、雞皮、雞泡魚乾同埋芝士年糕都唔錯，燒得香口之餘但係又唔會好乾。店員服務非常殷勤,見到我哋枱面食完串燒嘅碗碟就即刻收起，而且又有推介是日精選，令人有賓至如歸嘅感覺。