去滾

Open Now

Now Closed

餐廳裝修非常有創意，街頭霓虹裝潢，係80年代的港式情懷，仲播放好多90年代既香港經典歌曲。露台好靚，中間有棵櫻花樹做裝飾，27樓高有維港景色，晚上食飯仲有夜景點綴。金甲脆魚皮 $88食落仲係熱辣辣，應該係即叫即炸魚皮，份量都幾多，外表金黃，鹹蛋黃味香濃，食到魚皮香，夠脆薄，唔會有油膩感，會食上癮。蝦膠釀油炸鬼 $95脆卜卜的油炸鬼，蝦膠彈牙，唔錯的小食。鴛鴦湯底 (蕃茄豬骨薯仔湯 & 海鮮麻辣湯) $258單單個湯底已經有好多材料，海鮮有蝦、蜆、冬菇，叫左少辣但都幾辣下。蕃茄薯仔湯有大大舊豬骨，甜粟米，超濃郁。 建議未落食物前，先試一試湯底，好好飲。鹿兒島野崎牛拼盤 $488Woo 牛雪花靚到未食都知正啦。就算滾到全熟，都做到入口慢慢溶化既感覺，油脂味散發係口到。 絕對值得一試。新鮮牛利芯 $88薄薄一片，爽口有牛味。黑毛豬豚肉 $188肥瘦適中，肉質軟稔，好好味。手打牛丸 $68手打口感果然係特別Q彈，而且好juicy 。唐生菜 $48生菜爽甜，食得出新鮮。