Video
Read full review
2018-07-31
5415 views
今日係普通返工日子嘅星期一。我同 fds 目標係1930入座。我地兩星期前打電話訂位已經去到8月中後才有得 book。於是我地一定要 walk in！我地諗過唔同方法，分頭行動。(1) 我1815去到攞飛。B52... 門口嗰個職員好好，問我齊人未，仲提我得番3張枱，唔入就1930都未必入到，前面有30張飛等緊1930入。咁我企咗大約1分鐘，睇住d人入，就 full 咗喇。嗰個職員又再好好人咁叫我行下街先，1930再返嚟。咁我去行下先啦。(2) 我其中一個 fd 係會員，用 App 1745 攞飛，B49。(3) 我地全部人1915到齊，勁多人等，門口嗰個職員已經不停叫號碼。嗰d金會員嚟到等一張枱就入喇，所以我明白點解職員提醒1930都未必有枱。成為會員食 $12,000 就有金會籍。眼見由1915開始d客人不停離開喇，即係第1 round大約1700嘅客人離坐。最後，我地用 B49 大約1932入座，食 Level 2。張單有寫明幾點離坐，好清楚！食曬繼續有賞，可以換優惠卡。不過眼見附近3枱夠時間離坐都食剩唔少嘢... 用 iPad 單嘢，不過雙數上，我地5個人會有人無得食，我地又唔
(1) 我1815去到攞飛。B52... 門口嗰個職員好好，問我齊人未，仲提我得番3張枱，唔入就1930都未必入到，前面有30張飛等緊1930入。咁我企咗大約1分鐘，睇住d人入，就 full 咗喇。嗰個職員又再好好人咁叫我行下街先，1930再返嚟。咁我去行下先啦。
(2) 我其中一個 fd 係會員，用 App 1745 攞飛，B49。
(3) 我地全部人1915到齊，勁多人等，門口嗰個職員已經不停叫號碼。嗰d金會員嚟到等一張枱就入喇，所以我明白點解職員提醒1930都未必有枱。成為會員食 $12,000 就有金會籍。
眼見由1915開始d客人不停離開喇，即係第1 round大約1700嘅客人離坐。最後，我地用 B49 大約1932入座，食 Level 2。
張單有寫明幾點離坐，好清楚！食曬繼續有賞，可以換優惠卡。不過眼見附近3枱夠時間離坐都食剩唔少嘢...
用 iPad 單嘢，不過雙數上，我地5個人會有人無得食，我地又唔想點多咗嘢... 上嘢都快同齊嘅。
肉類大部分都ok架，係兩種雞翼都無咩味。點五花腩會有剪刀俾埋，好惹火架，我地 encore 再兩次！
今次試食白飯，加咗有白芝麻嘅燒汁，蔥花，同紫菜。嘩，好味呀！蕎麥麵自己攞嘅，加咗紫菜同蔥花一齊食。唔辣嘅紫菜湯，同辣嘅紫菜湯都好味，各有特色。青瓜，同涷豆腐都已經加咗辣醬。涷飲有汽水同果汁。熱飲有部機自己按鈕就可以喇！
菇類，粟米同蒜頭有牛油，成個錫紙兜放入爐燒，好味。椰菜可即食嘅，已加咗比較咸嘅麻油... 如果想無咁熱氣，可以去自助區嘅沙律可麗餅嗰到攞生菜包燒肉食，或者攞d沙律食下又得。
熟嘅牛腩仲係咁好味，我地有 encore。枝豆同薯角係正常嘢，炸雞連皮炸好肥膩，我地支持唔住...
再食甜品！今次中間雪糕機有哈蜜瓜味同牛奶味，兩個味都香濃！可選紐紋，不過就會試唔真d味。甜品雪櫃都係最上層供應窩夫(仲係硬到要叉起咬)，格仔餅(軟綿綿，加咗少少朱古力，有驚喜)；落一層係銅鑼燒(好軟綿綿，我都 encore 咗)；中層泡芙(雲呢拿味真係雲呢拿味，抹茶味食唔到係咩味)；下層有3大盤似係罐頭生果(蜜桃，雜果等，無咩人攞)；最底層有雪涷嘅碟同叉(好欣賞)。
可以加嘅醬汁同上次一樣(朱古力，士多啤梨，焦糖)，配料嗰d都同上次大部分一樣(心形綿花糖，綿花糖仔，彩色朱古力糖仔，彩色朱古力波仔)，係多咗原粒大麥片，加入甜品都好似健康d咁。
我同 fds 開心 share 雪糕有幾好味嘅時間，其中一個 fd 講有哈蜜瓜味同牛奶味，剛巧有位職員哥哥收緊錢，佢好醒目咁講話有3隻味，仲有士多啤梨乳酪味喺近門口嗰邊個雪糕機！ 我即刻又去試下。嘩，士多啤梨乳酪味都好正呀！
雖然我地覺得夠鐘準時要離座交枱，d客人食唔曬d嘢好浪費，不過我地2115行到出去仲有勁多人等緊，所以都明白要方便其他人。最重要都係客人要自律，食到幾多，夠時間食到幾多，先好攞或者點呢！
Post
