一風堂 (馬鞍山廣場) (Closed)

等左咁多年，馬鞍山終於可以叫做擺脫美食沙漠之稱既第一步，因為再有一間有質素既食店於馬鞍山廣場開幕了，就係【一風堂】。雖然真係等左成60分鐘先有位入座，而我哋只係這位，但係都覺得真心值得呢，因為食物既質素確係有誠意，真心抵返晒。我哋叫左「辛口一風堂餃子」、「唐揚海老」、「煮干系拉麵」、「芝麻菠菜」、「橫濱家系豚骨拉麵」「辛口一風堂餃子」：  餃子皮薄函靚，入面既肉既肉汁好 JUICY ，肉味好濃郁， 一咬入，滾熱既肉汁都流出了。好輕微既辣味，更加可以帶出餃子本身既惹味，唔會搶走左原味。「唐揚海老」：  係一藍子既炸海蝦，炸得金黃，脆口，整隻蝦都可以全食，海蝦非常新鮮，肉質好彈牙，外脆內爽，口感一流，味蕾享受。「芝麻菠菜」：  菠菜好新鮮，配特製芝麻醬，凍食，好有驚喜，非常醒胃。「煮干系拉麵」、「橫濱家系豚骨拉麵」：  湯底好濃郁，豚肉好軟滑，入口即溶系列，拉麵亦可選擇自己喜愛既軟硬度，好貼心。