芝加哥串燒 (美豐花園) (Closed)

大埔係我經常會到嘅地方，皆因有親戚住呢區。美豐花園呢頭都算多食肆，有集團酒樓，又有街坊小店。偶然發現有呢間舖頭，一啲都唔起眼。望真啲又幾有特色，主打串燒，就嚟一試究竟。室內位置好細，最多只可容納十幾人，幸好室外夠空曠，可以加多幾張枱，坐得寫意。原來有晚餐供應，係石板飯，類似鐵板，幾十蚊連埋飯或意粉，不過一心想食串燒，下次再試吧。一邊傾計一路食，食左好多野︰鳯梨燒$18 四大件厚切新鮮菠蘿，先嚟開開胃，上枱時係標晒煙。香草芝士焗雜菌$33一大包，裏面好多雜菌，香草芝士汁夠多，但又唔覺膩。原條黃立䱽燒$88好少舖頭有燒原條黃立䱽食，燒完魚皮半脆，但魚肉保持嫩滑多汁，超正！芝士燒廣島蠔 每隻$25唔算大隻，但食落又幾鮮味。燒牛油帆立貝$32大粒彈牙。香蔥燒半殻扇貝$39雖然加左蔥，但味道唔會太濃，幾鮮味。燒原隻魷魚串燒$23原隻好大隻，連竹簽都係特大，加左啲孜然粉，好夾。碳燒西冷牛扒$48雖然有濃燒烤味道，但太腍身又冇乜牛味，唔好食。鹽燒雞翼(上)$20蜜糖雞翼(下)$20兩串都燒到雞皮好乾身好脆口，但我個人鍾意鹽燒雞翼多啲。因為食物係即叫即做，所以要等耐啲。不過食物味道好，價錢公道又冇