鴻星中菜 (Closed)

去中環鴻星都要先做運動撐上長命斜，行到氣都喘晒 。 不過由於唔算就腳所以搵位較易，即日打去訂都有枱，可惜質素越來越羞。即刻上焗叉燒包，但係一啲都唔熱而且包好厚餡好少。蒸嘅蝦餃、鳳爪合理時間上味道ok，之後隔咗成半個鐘至上XO醬炒腸粉，一食點知凍冰冰應該放咗好耐，話俾待應知點知佢木無表情唔多想處理，仲叫旁邊個經理攪掂佢，點知個經理居然反應一樣黑晒口面拎碟腸粉去丁，過咗約五分鐘有人攞番出嚟，不過只係微暖仲無乜味，真係激氣又唔想浪廢食物唯有快快趣食埋佢走人。埋單時睇吓張單點知發現仲有第五碟動物點心漏咗，待應改過張單後四樣點心食咗$196，坦白講咁嘅食物同服務質素確實一啲都唔值。