秘撈王 (Closed)

前排收早去深水埗睇野，睇完經過秘撈王，見到有撈麵同飯都幾吸引，而且價錢都唔貴，所以就買左返去做晚餐，估唔到除左份量夠之外，味道真係唔錯，個秘製醬料簡直係畫龍點睛啊 🤤雪菜豬頸肉·水晶薯粉·蒜蓉醬屬於撈冷麵的做法，個蒜蓉醬超濃蒜味，但唔會死咸，撈落去水晶薯粉好掛汁，啖啖蒜味好惹味 🤤 豬頸肉偏淋好吸汁，天氣咁熱食呢個超正 😋秘製滷肉·白飯·沙爹醬撈完麵又試下撈飯，個秘製滷肉份量超多，咁大兜飯都可以撈曬 😍 滷肉味道有少少辣，非常惹味 😋 重點係個沙爹醬，香濃有少少花生味，又係唔會死咸，撈埋落去超級正 🤤沙薑鷄翼我就揀左浸的，鷄翼好淋好入味，佢地調味幾唔錯，咸得黎係香的，食完完全唔會口渴 🙆🏻‍♀️秘製豬大腸滷得好入味，淋淋地幾好咬 😋 見到仲有特飲同埋沙冰，價錢都唔貴，係好有心機嘅小店 🙆🏻‍♀️ 下次去要再試多幾個配搭 😋