TANLO

涼拌就是種怪東西！點解？因為間中都會好想食，尤其係口淡淡想搵下刺激嘅時候。今次去左附近嘅小店止下癮。原來仲係附近一間甜品店嘅姊妹店，聽聞窩夫都好正，下次try try🫶🏼

.
鋪頭細細但有好多選擇，除左撈麵、滷水小食仲有甜品👍🏻但今次一丁友就試得唔多。

.
雞嘆撈 HKD48
入面已經配埋手撕雞、雞軟骨同青瓜絲，麵底就揀左紅薯皮，第一次食紅薯皮，都幾特別，係一塊塊咁，沾埋醬汁好惹味，紅薯皮口感QQ ! 最欣賞佢唔會油淋淋但又會夠味。超大一碗👍

雞嘆撈紅薯皮

.
五彩冰粉 (跟餐加$12)
好抵呀，加多十二蚊有碗冰粉！食完辣嘢整碗冰粉，好～～爽！有芝麻、提子乾、山楂粒仲有黑糖漿，甜度剛剛好。

.
麻辣鵝腎 HKD35
通常出面食都係麻辣雞腎，呢度用鵝腎又幾特別而且超厚切，份量又多👍🏻鵝腎比起雞腎質感軟稔啲，我幾鐘意！個底仲有青瓜，好fresh !