誇張？一切滋味在心頭！！
撇開殘舊嘅店內環境⋯
拋開水準頗低嘅服務態度⋯
只談食物質素⋯
口水雞
賣相超吸引！味道小辣又帶點麻香！雞肉好滑！
必食之選！
蒜蓉炒油麥菜
好重蒜香味，但略嫌炒過熟，所以口感冇咁爽脆，但菜味清甜搭救！解辣一流～
擔擔麵
其實味道一般，好重花生醬味！係唔想食飯所以改食麵而已⋯
辣子田雞
1
田雞份量多，炸到好蘇好香，肉質外脆內滑！辣嘅程度其實一般，係可以接受嘅級別，只係超級麻⋯初頭食都仲食得津津有味，愈食就愈失去知覺⋯麻到已經再食唔到味道⋯其實係咪可以揀麻嘅程度？⋯如果揀小麻會好好多⋯師傅重手左⋯但又真係好好味囉
想解渴就整返支王老吉啦～
