Video
Read full review
2009-11-27
13 views
26-11-2009又到灣仔搵朋友食 dinner, 喺朋友公司附近兜了幾圈, 最後決定試試呢間路過 N 次都未入過去的印度小店. 叫了兩款麵包類, 一款 curry 及一款蔬菜類 share 食, 另一人一杯凍飲以備不時之需.先嚟凍 masala tea: 第一次飲呢樣嘢, 初時覺得味道同普通英式奶茶無乜分別, 係稀了 d 又幾多奶, 飲多兩啖先嗒到點 spices 的味道, 算唔上好喜歡, 但係幾得意的.朋友飲 mango lassi, 質地較稀, 芒果味道天然又幾甜, 不過唔多覺 yogurt 的酸 / 杰身的存在, 似飲緊 mango smoothie 多 d 喎. 澱粉質 #1 Roti paratha: 屬「基本步」, 呢度的亦整得外脆內鬆, 表面微燶, 食落香口又帶點甜味, 配 lamb masala 汁好食, 空口食亦好食.澱粉質 #2 Egg murtabak: 煎得極靚又排得極整齊, 薄餅外帶點脆身, 內唔算好鬆軟, 餡料有就有蛋, 洋蔥及燈籠椒 就咁食有點「蔥油餅」feel; mint sauce 反而作用不大, 始終本身較稀又較淡味, 仍是配 l
又到灣仔搵朋友食 dinner, 喺朋友公司附近兜了幾圈, 最後決定試試呢間路過 N 次都未入過去的印度小店. 叫了兩款麵包類, 一款 curry 及一款蔬菜類 share 食, 另一人一杯凍飲以備不時之需.
先嚟凍 masala tea: 第一次飲呢樣嘢, 初時覺得味道同普通英式奶茶無乜分別, 係稀了 d 又幾多奶, 飲多兩啖先嗒到點 spices 的味道, 算唔上好喜歡, 但係幾得意的.
朋友飲 mango lassi, 質地較稀, 芒果味道天然又幾甜, 不過唔多覺 yogurt 的酸 / 杰身的存在, 似飲緊 mango smoothie 多 d 喎.
澱粉質 #1 Roti paratha: 屬「基本步」, 呢度的亦整得外脆內鬆, 表面微燶, 食落香口又帶點甜味, 配 lamb masala 汁好食, 空口食亦好食.
澱粉質 #2 Egg murtabak: 煎得極靚又排得極整齊, 薄餅外帶點脆身, 內唔算好鬆軟, 餡料有就有蛋, 洋蔥及燈籠椒 就咁食有點「蔥油餅」feel; mint sauce 反而作用不大, 始終本身較稀又較淡味, 仍是配 lamb masala 汁較好.
咖喱揀了 lamb masala: 汁夠香濃, 唔太辣, 比其他地方食到的 (e.g. http://www.openrice.com/restaurant/commentdetail.htm?commentid=2030064) 稀, 似 Rogan Josh 多 d? 羊肉軟腍鬆化得有點「稀爛」feel, 羊味輕輕的, 加加埋埋, 送 paratha 不錯的.
Palak paneer: 即菠菜茸配 cottage cheese, 賣相預期中的麻麻, 味道就預期中的好 -- 菠菜葉溶溶爛爛杰撻撻, 食落濃濃菠菜味之餘帶少少辣; cottage cheese 較淡味及嚡身, 質地有點似硬豆腐, 同菠菜茸好夾, 勁對口味的一碟
環境就較地 mou, 不過老闆 (?) 勁 nice, 感覺係幾有心的一間店.
埋單每人 $80, 雖然未到「朝聖」的地步, 但食物不錯, 嚟開呢頭的值得試試. 下次食 banana murtabak!
Post
