Video
Read full review
2010-03-01
17 views
收工落旺角同男朋友睇9:50pm買得飛黎都成8:30pm, 諗住求其係朗豪坊食個quick dinner啦, 估唔到可以咁多人! 無論係4/F既餐廳或FOOD COURT, 抑或係1X/F 既各式餐廳, 都係排滿人… 結果用左成10分鐘兜左一轉都係落返4/F 搵食, 如果唔係真係驚食唔切! 最後見到簡單廚房雖然人多, 但人龍都去得幾快, 所以就決定派男朋友逼埋去排隊啦! 等候期間, 我地2個就爭取時間睇Menu, set dinner 選擇都有逾10款選擇, 有店舖主打既意大利軟飯, 又要pasta, 仲可以加錢要小食/ 沙律tim! 15mins左右就入座, 即刻嗌waiter take 埋order! 首先上場既係+$28既韓式八爪魚, 因為驚敏感所以只係小試左兩舊仔, 辣辣地幾惹味, 可以接受既! 跟住就係餐廳勁sell既香煎牛柳松露汁意大利軟飯, 軟飯都幾creamy幾香, 不過就可以硬返少少! 牛柳煎得係香, 但明顯係雪藏貨, 所以用左幾多既調味料, 同欠缺牛味, 但幾十蚊既價錢黎講係唔差既~再黎既就係鵝肝香蒜天使麵, 呢款PASTA煮得唔錯, 蒜味濃淡適中, 可惜鵝盰真係幾
買得飛黎都成8:30pm, 諗住求其係朗豪坊食個quick dinner啦, 估唔到可以咁多人! 無論係4/F既餐廳或FOOD COURT, 抑或係1X/F 既各式餐廳, 都係排滿人… 結果用左成10分鐘兜左一轉都係落返4/F 搵食, 如果唔係真係驚食唔切!
最後見到簡單廚房雖然人多, 但人龍都去得幾快, 所以就決定派男朋友逼埋去排隊啦! 等候期間, 我地2個就爭取時間睇Menu, set dinner 選擇都有逾10款選擇, 有店舖主打既意大利軟飯, 又要pasta, 仲可以加錢要小食/ 沙律tim!
15mins左右就入座, 即刻嗌waiter take 埋order!
首先上場既係+$28既韓式八爪魚, 因為驚敏感所以只係小試左兩舊仔, 辣辣地幾惹味, 可以接受既!
跟住就係餐廳勁sell既香煎牛柳松露汁意大利軟飯, 軟飯都幾creamy幾香, 不過就可以硬返少少! 牛柳煎得係香, 但明顯係雪藏貨, 所以用左幾多既調味料, 同欠缺牛味, 但幾十蚊既價錢黎講係唔差既~
再黎既就係鵝肝香蒜天使麵, 呢款PASTA煮得唔錯, 蒜味濃淡適中, 可惜鵝盰真係幾麻麻, 火唔夠猛, 表面煎得未夠香口, 而入面又太熟有點老, 加上辟唔到陣味…
急急腳食完Main Course之後見仲有充裕時間, 即刻試埋個甜品啦! 本來想試佢既signature dessert 豆腐芝士餅同埋益力多芝士餅, 不過行左出去餅櫃, 見到仲有d係menu上冇既, e.g. French Opera, Chocolate Brownie, Blueberry Cheesecake, Orea Cheesecake, etc, 最後同男朋友意見一致揀左French Opera share!
見到個樣本身有少少期待, 不過食落有點失望! 或者件餅既size大, 所以佢repeat左餅既layer, 可惜 coffee butter cream唔夠coffee味, chocolate ganache唔夠濃, almond biscuit個層 (我懷疑真係普通酥皮)唔夠鬆脆, 中間又夾住幾層sponge cake, 但都係太實, 結果成件餅出黎每一層都好似獨立咁, 夾唔埋, 食完只係有填肚既感覺! 開始有d後悔點解唔試豆腐芝士餅…
其實main dish無論價錢同埋味道都成正比可以接受既, 但係甜品, 即使唔係signature item都應該要改善一下, 相信到時一定會更加多人光顧既!
Post
