Give Me 5 (Closed)

寫住經Open Rice訂座有優惠，打去問話每位減$20，就book即晚去啦。入坐前再問，話優惠已完結!? 我晏晝打黎仲有，夜晚就完左!算數，一場黎到(觀塘港鐵行去10min左右)，費事為區區$20@又要搵第二間餐廳。點知坐低先知伏。宣傳海報上話近廿款即燒鮮活海鮮+肉類，實情係一半都冇, 一係話未燒 一係話冇貨返 (冇桂花蚌 冇黃金蚌 冇蟶子 冇扇貝 冇大蜆 冇多春魚 冇羊肉 冇豬肉......)，問位燒烤檔哥哥仔：海報都冇寫我燒緊既雞亦啦，所以宣傳既野睇下咪算。打黎問話有任食榴槤雪糕，侍應答：無貨好耐喇喎。我話晏晝打黎問既時候仲話有？佢答：唔喺我聽電話我唔知喎！至於餘下有得食既野質素：唔識形容，唔可以叫難食, 因為樣樣都冇味道冰鎮海鮮就係雪藏咪囉。惟一可取係任飲既飲品種類算豐富。總括用呢個價錢，食比茶仔還差既食物，幫襯連鎖店放題會開心好多。因為食物實在乏善足陳，所以部份唔記得影相。連食過主菜都冇咩印象。