聽聞此店搬遷了幾個月, 終於有機會捧場了, 雖然天氣依然有點熱, 但無損食蛇羮既興緻,
新舖係舊舖的三倍之大, 中間仲可以放得落張可以容納八人既大枱, good呀, 唔使分批輪流食.
講番蛇羮, 水準完全保留到, 材料依然咁rich, 不枉我既朋友山長水遠跟我黎食, 哈哈.
唯一不足之處係..........
唔知咩原因, 竟然冇卜卜脆, 老闆話要到下週三(10月17日)先返囉,
糥米飯依然足料, 正!
總括黎講, 除左冇卜卜脆失色左之外, 其他都可以保持到, 值得一讚.
店面光鮮左, 乾淨左, 同濶落左, 我會繼而捧場架, 呵呵.
