1
地理位置非常方便，iSquare 對面，踏入餐廳見到以雀籠為特色的室內裝修已經心心眼呀！另一個feel有啲似酒吧有格調，飛鏢機也很吸引眼球。
店長推介餐廳招牌菜 shake shake 海鮮，用上秘製醬汁，是餐廳獨創的馬來西亞特色辣汁，辣得刺激過癮。
二人份量餐廳特色海鮮搖盤
(5款海鮮+配料)
餐廳海鮮搖盤有多款配搭可以選擇，我地揀左 5款海鮮+配料組合，如果喜歡食龍蝦可以選擇 upgrade 。
我地個組合入面有青口、海蝦、鮑魚、大元貝、大肉蜆；海鮮非常新鮮，店員會主動幫我哋 shake，shake 到所有海鮮都均勻掛上餐廳特製醬汁為止。
一打開個袋已經聞到香噴噴的味道，青口大脹卜卜，入口好肥美。海蝦爽口彈牙，元貝同大蜆都好大隻又厚肉，鮑魚新鮮甜美，配上餐廳獨創嘅馬來西亞特色辣汁，蒜蓉好惹味，好香牛油同蒜味，食落香辣，海鮮非常夾又不會蓋過海鮮的原味。
配菜仲有粟米和施華力珍寶腸，超級豐富！餐廳貼心預備好圍裙、手套；可以放心用手食更加滋味無窮。
全新產品推介
火焰雞翼
又係打卡少女最喜歡的火焰💕火焰雞翼
份量多，有八隻，店員淋上玫瑰露有淡淡酒香，蜜糖香味也散發出來，雞翼香脆多汁，真心推薦！
龍蝦包
龍蝦包超大份，最好趁熱食！這款招牌龍蝦包用上波士頓龍蝦，真材實料，啖啖肉超滿足！
烘過既麵包特別酥脆，鋪滿很多的龍蝦肉再配上飛魚子沙律醬、青瓜、沙律菜、蕃茄配菜，好清新口感非常豐富。還有旁邊的熱辣辣薯條，又香又脆。
座位設計有心思，啱晒同朋友一邊傾計一邊食 shake shake 海鮮，其中火焰雞翼同埋龍蝦包係新菜式，推介必食。
而家仲做緊飲品買一送一優惠！食物質素不錯，下次有機會再光臨。
