發記甜品 (Closed)

尋日星期日，係我地屋企嘅Family Day。家姐同姐夫車我地全家人去深井食燒鵝。我地去咗食裕記，唔錯不過無乜特別。但之後去嘅發記就反而令我用我嘅手機影咗D相。我本身唔係好鐘意食甜品，但我成日聽人地講發記好出名，所以就決定食少少嘢試吓。打開Menu當然例牌見到D好靚嘅甜品相，不過我身為一個平面設計師，當然知道好多Menu用嘅相用Photoshop整過，一心唸住會貨不對版，誰知D食品賣相真係唔錯，令人食慾大增！甜品嘅味道幾好！我好鐘意食佢個糖不甩！ 我仲用手機影咗幾張相，雖然影得唔係太好，不過都可以見到嘢食個樣唔錯！只係唔鐘意聞榴蓮嘅人就慘啦，因為成間鋪都係榴蓮味，係無可能會避到㗎！