允升甜品

Open Now

Now Closed

長洲最後一站食甜品, 一心黎食哩度既芒果糯米滋. 朋友之前黎過都話哩間既芒果糯米滋好食我就食左兩件, 一件$6, 話平就一定平過出面d 乜記乜記架啦.糯米滋外面用麵粉, 個人覺得好過用椰絲, 不過食落成咀都係白粉層皮好薄, 搵唔到有邊忽係厚, 雖有點煙韌, 但因太薄既關係而缺乏趙口入面係一整舊既芒果, 果真係絕無虛假, 名符其實既芒果糯米滋芒果好甜又多汁, 可能有人會覺得咁食法不如食一個芒果算啦. 不過當諗返出面d 麵包鋪/糖水鋪既芒果糯米滋係砌粒芒果+芒果汁+一層超厚既皮既時候, 就會覺得允升出品係幾咁好.下次再入去既話一定要買返打出城至得!