La Postre (厚福街) (Closed)

夜晚十點幾睇完戲食正餐又太飽，所以決定去食個甜品醫醫肚仔😋😋😋本來諗住食中式糖水嘅行到去厚福街，一望就見到一間裝修幾特別嘅一間餐廳原來都係食甜品嘅所以我哋就二話不說入左去！😋😋😋見到隔離枱食呢一個甜品拼杯我都好想食！😂😂😂傾傾吓計，唔覺唔覺甜品就送到啦！！！個樣好靚呀真係😍😍😍呢個甜品一共有6支，其中四支係含有酒精成份嘅，例如:香橙啫喱凍內含有甜橙酒，朱古力班尼慕絲，士多啤梨慕絲，抹茶紅豆雪糕，藍莓芝士蛋糕，蘋果金寶個人比較鍾意食呢一個草莓慕絲，相對其他五知甜品味道比較冇咁甜比較fresh ！手拎住嘅係藍莓芝士蛋糕，佢嘅芝士蛋糕比較厚實好香濃嘅芝士味不過食多幾啖會覺得有啲漏🤣🤣🤣好靚呀唔捨得食！呢間餐廳真係啱晒我呢啲為食港女，又可以品嚐唔同嘅有質素嘅甜品，又可以拎住啲甜品可以係咁影相影極唔厭😂😂😂！真係滿足晒兩個願望😋😋😋而且呢個甜品唔算話貴二百幾蚊！抵食抵食