日本黒毛和牛焼肉 牛太 (沙田中心)

Open Now

Now Closed

日本黒毛和牛焼肉 牛太係沙田中心開咗分店啦🥳Happy Friday收工約埋同事一齊去食燒肉放題🤟🏻餐廳環境寬敞，兩人卡位夠哂闊落，而且抽風做得唔錯，食完燒肉唔會成身油煙味❣️揀咗豪華燒肉放題，設自助區，有齊各款熟食、沙律、飲品、甜品等等，超多選擇😋😋夏祭限定🎏推出芝士x辛辣燒肉及芝士拉絲系列🧀先煮溶芝士醬再點肉拉絲，好食又好玩，VERY NICE💯推介芝士手羽，嫩滑爆汁夠JUICY，仲有濃濃芝士香👏🏻燒肉有超多牛既部位供選擇，牛味濃郁且肉汁豐盈，最鍾意灸燒壽喜燒牛肋肉，脂肪分佈均勻，肉質柔軟細嫩🥩🥩食燒肉點少得幸福蛋黃飯🍚日本珍珠米飯煙靭有嚼勁，拌以流心雞蛋，蛋香突出超鮮味🥚海鮮類揀咗燒鰻魚、蝦、牛油帶子，新鮮又味美🍤明太子玉子燒微辛鹹鮮，鬆軟又多汁🍳自助區炸物有shake shake 薯條、日式章魚燒、炸芝士，有熱燈照著KEEP住溫度熱辣辣，好貼心💕飲品有冰凍自家製無糖花茶、茶包、汽水、啤酒等選擇，照顧唔到客人需要🥤🍵甜品自助區有英式窩夫🧇同比利時PANCAKE🥞仲有必食既波子汽水雪糕，可以自己唧再加唔同配料，好好玩🍨🍦臨走仲可以玩埋拉繩抽獎遊戲😍有小食、玩具、現金卷等，有得玩有得食