Dilliwale

Open Now

Now Closed

同同事行下行下搵到間上樓印度餐廳，12:30一入門口，無人嘅？！心諗：中袱喇😮‍💨坐低無耐有班印度鄉里入黎，個心都定啲。😂我叫左個瑪莎拉咖哩烤雞餐，同事叫左個德里咖哩魚餐。2個餐都包4塊烤餅、一碗印度飯同埋2條炸春卷，重有一罐汽水。咖哩雞嫩滑無雪藏味，份量多，咖哩汁有牛油嘅香同滑，帶微辣，沾烤餅食一流。同事個魚就唔辣嘅，帶咸香，魚肉質感實淨有口感，無腥味。令人驚喜嘅係平平無奇嘅炸春卷出奇地鬆脆可口，餡料清新，不錯。相反印度飯太乾太硬唔係太合口味。