喜記避風塘炒辣蟹 (謝斐道)

Open Now

Now Closed

喜記避風塘炒辣蟹已經好搶眼！隻蟹大大隻，炒得金黃香脆嘅蒜粒鋪滿蟹身，一咬落去，蟹肉鮮甜彈牙，同避風塘炒法嘅香辣蒜香完美融合，真係正到痹👍 成個口腔都被呢股惹味嘅香氣佔據，食完仲不斷舔手指！椒鹽大瀨尿蝦都唔輸蝕🦐 一隻已經好大條，剝殼都要好小心。咬落去蝦殼好脆，蝦肉好厚身又新鮮，椒鹽味調得剛剛好，唔會太咸，反而將蝦嘅鮮味襯托得更加突出。招牌醉鮑魚（2隻），我揀咗呢個。鮑魚好大粒，咬落口感煙韌，酒味滲透到每一口鮑魚肉入面，唔會太嗆，反而帶出一種獨特嘅香醇，好過癮！另外，我哋仲有豉椒炒蜆，蜆好新鮮，冇沙，豉椒味好濃郁，用嚟送飯一流🍚 蟹油炒麵嘅蟹油香好濃，麵條炒得乾身又夠火候，每條麵都沾上蟹油嘅精華，真係香到停唔到口。蒜蓉時菜就好清新，食完一輪海鮮，用嚟解膩啱啱好🥬餐廳環境唔錯，服務態度又好。下次想同朋友食海鮮，又想方便唔洗煩惱點菜，呢個2人套餐真係不二之選！