炊公館

Open Now

Now Closed

慶生記念日值得一試!!!!!位於Isquare 29樓嘅餐廳，一入去透過落地玻璃見到維港兩岸景色。Book位嗰陣request左話要坐窗邊位，所以全餐飯都可以望住維港嘅夜景食飯。到咗晚上8點仲可以欣賞幻彩詠香江，餐廳仲有歌手自彈自唱，真係幾有feel海鮮拼盤（小) 雖然係海鮮拼盤（小），但份量都唔算少，兩個人食啱啱好，啲海鮮非常新鮮，個生蠔仲好重海水味，好creamy同鮮甜😋龍蝦啲肉都好彈牙。整體都好高質，鐘意食海鮮必嗌。真係覺得幾出色。肉眼扒叫咗5成熟，煎到啱啱好，肉味濃郁，仲好多肉汁嗌扒$80可以有鵝肝，所以都加咗塊。但係落單嗰時落留咗，最後要問侍應時先補上返。但鵝肝煎到金黃，入口即溶，鐘意食鵝肝嘅我覺得不錯。呢餐飯係慶祝生日，覺得唔錯而且價格都 affordable 。推薦慶生，紀念日嘅時候食。