たまご園 (朗豪坊) (Closed)

臨近新年好多舖頭早收，同媽咪就入咗呢間餐廳食晚飯，雖然唔算有驚喜，但樣樣食物都算幾滿意。薯仔沙律調味豐富，唔會覺得單調，賣相都有發到少少心思😆最得意係仲有兩塊薯片！而原味玉子燒都唔錯，每一啖咬落去都有高湯嘅甜味，加埋蘿蔔同醬油大大滿足。推薦明太子意粉，非常Creamy，每條意粉都蘸滿意粉醬，加埋流心蛋再多一重蛋香。一個人食就會比較膩，兩個人開心share啱啱好。最後食埋疏乎厘甜品😄士多啤梨味，我自己就覺得味道還好，但欣賞疏乎厘嘅空氣感。