川滿居 (京都廣場)

Open Now

Now Closed

天氣轉涼又係時候食辣野，個腦就不斷諗起火鍋，烤魚，雞煲，無辣不歡既我決定要搵啲再地道啲既辣野，今日搵到銅鑼灣有間專食川菜既「川滿居」首先要讚下餐廳服務，雖然店面唔算大，只有兩個服務員，但服務態度非常好，又有禮貌，老闆都好nice ，可能我哋去既時候得我哋一枱，老闆不斷走出嚟，講解下邊款好食啲，食緊既係咩魚，服務一流。烤加洲鱸魚 $298今次點左中辣鱸魚，老闆同我哋講好少人食中辣，多數都係小辣，一開始都驚會唔會太辣，但上菜後發現無想像中咁辣，反而覺得好香老闆講返完來呢個魚只要一有人叫，隔離枱聞到都會想食，而且唔止香，食落都好好味，魚肉又夠結實，怪唔之得老闆一再推薦。籐香雞 $66呢個係鋪頭既其中一個出名菜，我覺得類似係口水雞咁，不過佢就係用籐椒，有少少香麻既感覺，而且雞肉好滑又入味，我地好好彩分到個雞髀位添🤣薯粉 $22薯粉係食辣必點，呢度既薯粉係圓形，好似酸辣粉個種，零舍吸味，而且佢有樣好既係煮好耐都唔會散，我好怕薯粉碎晒，但係川滿居就無咁既情況。