金亞淶泰國餐廳

Open Now

Now Closed

泰式咖喱軟殼蟹 $198推薦！唔辣嘅咖喱！椰汁香氣滿滿，味道幾有層次，適合唔鍾意食辣嘅朋友😝 軟殼蟹酥脆，唔會有油膉味，份量適合多人分享。泰式肉碎生菜包$68 香料味香濃，層次感豐富，同時都辣勁十足😝 肉碎同香料融為一體，配搭完美，幾開胃嘅小食，份量都幾抵食同大份。泰式豬頸肉船粉 $63船湯幾好飲，有淡淡嘅藥材/香料味道，味道唔會太過單調。豬頸肉有經過炙燒，有少少窿邊，如果分開另上就更好了。我比較細食，麵比較多，下次我可以少麵🤭椰皇由重奏個人認為必點嘅甜品，底層嘅椰青凍非常清甜，完全唔會有甜膩感！最後飲埋泰式奶茶，圓滿了。