漁家

Open Now

Now Closed

喺屋企附近搵嘢食，見到依間日式餐廳「漁家」試業做緊優惠，一於入嚟試吓，每一款菜式都充滿驚喜，無論係味道定係擺盤都好高質我同男朋友叫咗個二人餐$488🥢時令刺身三點盛呢個刺身拼盤包括三文魚、帶子同赤蝦，每款都新鮮到不得了。三文魚肥美 肉質滑嫩，帶子夠鮮甜，赤蝦鮮美彈牙🥢柚子胡椒凍（南非）鮑魚拼日式炸蟹仔擺盤精美🥰鮑魚嘅鮮味配上柚子胡椒凍，清新又開胃，而炸蟹仔外脆內嫩，口感豐富🦪時令生蠔生蠔新鮮 肉質肥美，搭配檸檬汁味道更加出色🫶🏻🍢串燒拼盤呢個串燒拼盤包括雞翼、豬頸肉、牛肩胛小排、鮮冬菇同茄子，每一樣都燒得有水準。雞翼外皮香脆，肉質嫩滑；豬頸肉味道濃郁，牛肩胛小排肉質好鮮嫩，鮮冬菇同茄子都燒得好好咬落好多汁🤤 我哋仲加多咗串豚肉帶子卷$48，口感又脆又嫩好好味🍲湯煮野菜豆腐呢道魚湯煮野菜豆腐，湯底清甜，配上新鮮嘅野菜同豆腐，簡單又滋味。湯汁滑順，豆腐吸收咗湯底嘅精華，搭配白飯或者烏冬都好完美～🍨時令甜品可以揀雲呢拿或者芝麻雪糕，為整個用餐體驗畫上完美句號😋😋