Mee...lemongrass (彩園廣場) (Closed)

首推印尼炒飯好食，個飯有鑊氣，又有魷魚同大蝦，足料! 仲有兩塊大大塊嘅炸蝦片，十分脆! 可以再食! 龍蝦麵喺用拉麵和米粉混合煮成㗎，非常特別，味道算唔錯，湯底濃郁，可以一試。至於小食併盤有雞翼，酸辣鳳爪，魚餅，串燒，炸春卷，有齊一般泰國菜必食嘅小食，醬汁味道亦不錯。甜品方面叫咗芒果椰汁糯米飯，賣相頗特別，椰汁分開另上，鍾意加幾多就加幾多，味道都合格，唔會過甜。飲品方面淨係叫咗杯芒果芝芝，芒果酸酸甜甜，都好好飲。