門外見男員工拉衫透氣，企門外既我當時心諗，
唔通入面唔夠冷氣？點知入到去先知原來冷氣壞左，不過店家都配備左d風扇仔比客人，禁都ok ge，至少可以舒緩到。
經店員推介，叫左炸雞軟骨，果然好味
腰果都好味，對我黎講唔算辣 (我覺得自己算係食得辣既，普通以上厲害以下) 呢種程度，對於我黎講屬惹味 
仲叫左豬手，我5覺辣，但其中一朋友唔食得辣，所以佢食豬手時覺得有少許辣，唔太"林"又唔太硬，適中，剛好入味。
酸菜魚：冇骨，好味，唔油膩，但同以上情況一樣，唔辣朋友話有辣，對佢黎講比較辣，所以成程都飲好多野
炒土豆絲：普通，不過不失，性價比不足。
水煮牛肉：普通，不過失。
红糖糯米甜品？唔記得名，味道唔錯，要趁熱食 + 點勁多紅糖醬先好味。
總括：員工服務好踴躍，好主動換碟 & 加水，都好有禮貌。
