Video
Read full review
2023-08-11
71 views
愛吃的友人試過小漁港海鮮舫 鮮蒸•鮮味火鍋後，向我們大大力推薦必試，勾起平日少食海鮮🦞既我濃厚興趣，於是一早book定位，相約海鮮迷既家姐一同試試。一去到只見海鮮坊座無虛席，每一枱都杯酒言歡，好像時光倒流般，好有舊時香港的風味，熱鬧非凡。由於我們只有兩個人，因此選了$318一位的是日廚師智選套餐，分別有刺身拼盤、八款時令海鮮、四款時蔬同一款小食，非常豐富。炎炎夏日，首先叫枝野飲解解渴，見到有San Pellegrino 血橙果汁味有汽水🥤幾特別就叫左，試後感：推薦！除左套餐，我地仲另外叫左個小食。避風塘鮮魷魚🦑 $68 - 份量超多，炸得酥脆，但又保留到其鮮甜彈牙既滋味，食得出魷魚好新鮮，避風塘依個口味永遠都係咁滋味，帶有蒜香同點點辣味，好惹味刺身拼盤 - 有三文魚、帶子、油甘魚、北寄貝、象拔蚌，頭盤已非常有驚喜，全部食落好新鮮，每一款都係厚切，令人好滿足，特別三文魚，肉質嫩滑肥美。第一round時令海鮮有鮑魚、馬友魚、海蝦、粉絲蒸扇貝 鮑魚 - 爽滑彈牙，鮮味十足！馬友魚 - 肉質鮮嫩，甘香魚油濃郁！（我家姐大讚）海蝦 - 連我依個少食海鮮的人，都食得出好鮮甜，而且肉質非常彈牙！粉
愛吃的友人試過小漁港海鮮舫 鮮蒸•鮮味火鍋後，向我們大大力推薦必試，勾起平日少食海鮮🦞既我濃厚興趣，於是一早book定位，相約海鮮迷既家姐一同試試。
一去到只見海鮮坊座無虛席，每一枱都杯酒言歡，好像時光倒流般，好有舊時香港的風味，熱鬧非凡。
由於我們只有兩個人，因此選了$318一位的是日廚師智選套餐，分別有刺身拼盤、八款時令海鮮、四款時蔬同一款小食，非常豐富。
炎炎夏日，首先叫枝野飲解解渴，見到有San Pellegrino 血橙果汁味有汽水🥤幾特別就叫左，試後感：推薦！
0 views
0 likes
0 comments
除左套餐，我地仲另外叫左個小食。
避風塘鮮魷魚🦑 $68 - 份量超多，炸得酥脆，但又保留到其鮮甜彈牙既滋味，食得出魷魚好新鮮，避風塘依個口味永遠都係咁滋味，帶有蒜香同點點辣味，好惹味
刺身拼盤 - 有三文魚、帶子、油甘魚、北寄貝、象拔蚌，頭盤已非常有驚喜，全部食落好新鮮，每一款都係厚切，令人好滿足，特別三文魚，肉質嫩滑肥美。
第一round時令海鮮有鮑魚、馬友魚、海蝦、粉絲蒸扇貝
鮑魚 - 爽滑彈牙，鮮味十足！
馬友魚 - 肉質鮮嫩，甘香魚油濃郁！（我家姐大讚）
海蝦 - 連我依個少食海鮮的人，都食得出好鮮甜，而且肉質非常彈牙！
粉絲蒸扇貝 - 扇貝大大隻，一樣係帶有鮮鮮甜甜味，吸收扇貝汁後既粉絲勁惹味！
第二round時令海鮮有青口、生蠔🦪蜆
青口 - 帶有海水🌊味，鮮度十足！
生蠔 - 肉質飽滿，，一樣有海水的鹹鮮味！
蜆 - 洗得非常乾淨，完全無沙，肉質結實鮮甜！
接落黎，就輪到蟹🦀️ -蟹好肥美鮮甜，蟹膏濃稠，蟹肉亦很多，食完超滿足！
四款時疏有南瓜、粟米🌽、蝦乾蒜蓉勝瓜、芋頭、蕃薯🍠仔、再加蟲草+雞+烏冬依個組合一齊蒸，樣樣都有水準，特別點讚蒜🧄勝瓜同埋烏冬真係好出色，前者有好香既蒜蓉味，但又唔會過濃，加埋清清地既勝瓜變得剛剛好。後者吸曬蟲草同雞既精華，一食成個口腔都好香，滋味無窮。
食到依到已經飽到上心口，但仲有重頭戲，瑤柱排骨蟹粥，一開始店員已將蟹蓋、瑤柱、排骨同米放落下層煲，上面就蒸野食，每食完一round 又會攪拌一下粥，食到尾聲，個粥就煲到剛剛好了，將所有材料既精華都濃縮曬係窩粥到，一打開即刻香氣撲鼻，由米白色變到黃澄澄，望到都垂涎欲滴，一入口有鮮味之餘，仲非常鮮甜，令人回味無窮。
飽到食唔落之制，竟然仲有甜品 - 黑糖紅豆🫘菓子，食落去外層好像食緊珍珠咁，煙煙韌韌，有濃濃既黑糖味，裡面既紅豆甜而不膩，我都幾喜歡💕
朋友真係無介紹錯，小漁巷性價比超高，食材新鮮，價錢優惠，食到飽上心口，重點係店員姐姐們服務態度好好，當我雞手鴨腳地處理海鮮時，佢地都會馬上送上適時既幫忙，而且成個過程，有佢地處理蒸海鮮蔬菜🥬，成餐飯都食得好舒服，見其他食客食完時都有同姐姐們大讚依到食物好掂，說明唔係個人觀感，而係依到真係好掂！有機會我一定會再encore ！
Post
