戀上台式料理 (Closed)

最近因肺炎成日都留係屋企，今日係情人節前夕，一於搵d 環境舒服既餐廳嘆下。我地近近地揀左將軍澳嘅戀上台式料理，因為可以滿足哂我地嘅要求，可以食燒肉，環境開揚悠閒，配有河景，附近綠化空氣清新，簡直完美呀。餐廳坐位亦有分室外和室內，今日落雨，唯有坐係室內。餐廳店員衛生意識高，替客人量體温，消毒雙手，減低傳染風險。餐廳好先進，用電子下單，清楚睇哂有咩食，同個食物係點既樣。我最鐘意食燒肉，黎度呢度點可以唔食，叫左日本和牛 、牛牛胸腹同美國特板小排，款款牛新鮮，配以燒汁燒，塊塊都多汁香囗。另外仲叫左d台灣美食，魯肉飯同牛肉麵一樣吸引。聽講呢間餐廳可以帶寵去，但今日無緣見到，下次帶埋狗狗再黎食。