Video
Read full review
2017-09-04
1667 views
久聞永年在元朗是人龍店,尖沙咀8月1號開分店,本身怕排隊怕同人迫,8月8號搵到個平日特登來一試.THE ONE行到尾尾再上條小斜路,門口有條人龍排緊的就係永年,佢隔離有間賣喼店,再過少少係七仔.當日中午12點到,排左十幾人,唔算多,排到去賣喼店前,但都排左半小時才落到ORDER,慶幸是放假來搵食唔急走人,所以還可接受.排到入門口上幾級樓梯的位置會有個不停跳動的電子餐牌大碗麵集十寶賣61蚊,愛多餸的必點呢排到才知只收現金,於是又要搵現金,新開張有FB優惠可以有飲品送,排到自己時,我終於明白點解排的人數唔太多,但我地要排咁耐呢.我有寫左意見俾永年.其實收銀的好爽收.排緊的人其實排時都無所事事,如果有個職員提定我地只收現金或俾餐牌我地睇定或落住飛先,我諗可以快好多呢.好不容易落左ORDER拿住張飛,因唔知可以搵位坐住再等叫號碼才去取食物都可以不知情下,又排左條取食物隊食永年,確是要付出一點點的耐心.朋友响元朗食過,推介我要食隻蛋.接過份餐,真係好豐富,排左半小時,排一次都可以的,再排就短期內都唔想喇.一支公的關係,排在門口時,已行開一陣去搵定位先,觀乎當日情況一個去食的話應買左票再搵位都應可
THE ONE行到尾尾再上條小斜路,門口有條人龍排緊的就係永年,佢隔離有間賣喼店,再過少少係七仔.
當日中午12點到,排左十幾人,唔算多,排到去賣喼店前,但都排左半小時才落到ORDER,慶幸是放假來搵食唔急走人,所以還可接受.
排到入門口上幾級樓梯的位置會有個不停跳動的電子餐牌
大碗麵集十寶賣61蚊,愛多餸的必點呢
排到才知只收現金,於是又要搵現金,新開張有FB優惠可以有飲品送,排到自己時,我終於明白點解排的人數唔太多,但我地要排咁耐呢.我有寫左意見俾永年.其實收銀的好爽收.排緊的人其實排時都無所事事,如果有個職員提定我地只收現金或俾餐牌我地睇定或落住飛先,
我諗可以快好多呢.
好不容易落左ORDER拿住張飛,因唔知可以搵位坐住再等叫號碼才去取食物都可以
不知情下,又排左條取食物隊食永年,確是要付出一點點的耐心.
朋友响元朗食過,推介我要食隻蛋.
25 views
0 likes
0 comments
13 views
0 likes
0 comments
個人至愛係魚旦,其他樣樣都唔錯.
流心蛋是好味的.
凍檸檬茶係送的,茶味唔夠濃,味道淡左少少唔夠甜.
也有對坐位
職員煮食物的地方都幾有特式
店內有高櫈位可望街景
當日坐到店內最入位置,是比較焗的,所以佢地都設置左吹風機.
排左一輪都確有點倦,反正自己唔趕時間,慢慢食嘆吓先走,期間同枱都換過三組食客了.
食完就研究吓下次再來可以點行來呢.原來經美麗華商場,行到去敏之曲奇店隔離個出口,出左再落樓梯就係再過條馬路,
就會如下圖,見到金巴利酒店個牌對落個入口都可以去到永年.
有機會,要去元朗試吓正店先,希望下次來尖咀店不用排咁耐喇.排左都覺值得一試的.
Other Info. :
想快的話,大家都肯合作咁就正:
1.此店只收現金,要預備定.
2.排緊時諗定叫咩
3.如有FB或網上優惠,快排到時,襟定晒畫面預備.
4.當日排時所見,永年排隊條人龍都長會阻住隔離賣喼店,所以排到喼店門口就要漏空幾個位唔好排,等人入到間喼店,响七仔門口又再排.
其實排隊方面唔知第時可唔可以排向店內另一個位置,呢方面真係要睇永年將來點安排.
(The above review is the personal opinion of a user which does not represent OpenRice's point of view.)
Post
