鼎家喜筷 (Closed)

同朋友專登入荃灣想試下鼎爺開嘅呢間燒味餐廳，入到去第一時間已決定要試招牌燒鵝。🔆鼎家柑橘燒鵝飯（$178） 嗌嘅時候職員已經有提醒我可能要等耐少少，因為原來所有燒味都係落單即燒。 鵝髀係原隻上，賣相非常吸引，上面仲有新鮮嘅橙同檸檬絲，食落都聞到清新果香。外皮超脆，但係肉質保持到好嫩好滑，一咬落去啲油就流出嚟，配返特製嘅柑橘醬，一啲都唔會膩。🔆玫瑰豉油雞（$148）雞肉好滑，味道適中，唔使驚太咸或太淡，而且亦都唔會好肥，配埋少少蔥油香得黎油膩度會岩岩好，好好味。🔆黃金魷魚鬚（$60）聞落好香蛋黃味，食落去味道更重更香，而且外層炸得好鬆脆，但入面嘅魷魚依然好軟嫩，同埋蛋黃唔算太多，唔會好油膩。🔆鼎家脆炸蓮藕片（$49）口感好似蕃薯片咁，唔係爽嘅，係有小小外脆內軟，加上個蓮藕片又咸咸地咁，會越食越上癮。🔆脆香蜜糖吐司（$62）雖然話有蜜糖，但唔係好食得出，反而有較濃嘅牛油味，個味有啲似係馬芝蓮，配咗北海道牛奶雪糕，好香好重奶味。🔆藍莓沙冰（$42）🔆荔枝蘆薈綠茶（$34）两杯飲品都略甜，不過值得一提嘅係沙冰入面嘅藍莓好新鮮，又甜又爽。