喜聚燒 (Closed)

店内充滿日式的設計，座位寬闊，環境舒服的串燒店，每枱會配上一塊熱板，當師傅燒好每款食物後，店員會把串燒直接放到熱板上保暖，令枱面上不會有多餘的碟，感覺多啲空間，外觀上都比較整潔😄喜聚麻辣滋補鮮烏雞黎到緊係要試下特式的招牌菜，揀左半隻雞，係惹味的麻辣，會想不停咁食，雞肉又好滑，唔鐘意食辣的fd 都接受到呢種辣到燒蟶子皇 蟶子皇沾上酸辣醬，可以突出蟶子皇的鮮甜味燒豬頸肉BBQ 厚切豬頸肉，上面厚厚的一層蜜糖味，味道極佳燒芝士響鈴(2條）好特別既響鈴食法，入面放左芝士，加上響鈴燒到好脆，好特別燒新鮮脆皮白鱔白鱔炭燒後，皮脆，肉質彈牙，點埋照燒汁，甜甜地咸咸地，仲有一陣炭燒香，視覺同味覺享受燒茄子茄子入面肉燒到好淋撈埋孜然粉，好入味燒玉子外表平平無奇，一咬好多汁，好香蛋味👍明太子釀雞翼（2隻）無骨雞翼，雞翼頭釀入咗明太子，食香嫩雞翼之餘仲食到明太子燒賣 (沙嗲）燒賣外脆內軟，皮面沾左層沙嗲汁調味，味道好夾益力多沙冰將益力多雪凍再刨成沙冰，好甜嘅益力多起底，上面嘅沙冰冇咁甜，慢慢食，邊食串燒同麻辣雞，邊食沙冰，正！