Video
Read full review
2020-10-20
5217 views
本身諗住同個朋友食任食火鍋，點知我放工坐巴士又暈車浪，搞到冇晒胃口☹️。不過既然都出到嚟，我又唔想掃朋友興，所以照食啦。我哋八點鐘去到「淥鼎記」，店員好快安排我哋入座。環境唔錯，冷氣充足，而且枱與枱之間相隔有一定距離，客人食得安心。任食火鍋的話，餐廳都有OK大嘅自助位拎嘢食👍。去到先知原來餐廳唔止得任食，都有得單點，咁就實在太好了，因為我今晚真係冇辦法食太多😭，而朋友亦都滿足到佢想食雞煲嘅願望。單點就主要食雞煲或者酸菜魚。餐廳採用QR Code落單，但店員們都樂意協助😊。重慶麻辣雞煲($138/細)，🐔雞煲有得揀辣度同埋大小。我哋兩條友就梗係揀個細雞煲啦，其實份量都幾多，起碼有半隻雞，而且雞肉大大件，唔係一味噒骨🐓。雞煲一上枱嘅時候大致上已經熟透，放低焗幾分鐘主要將啲配料熬出個味來，例如芫荽同洋蔥等。等嘅過程當中，我由冇乜胃口變到開始有啲肚餓，因為浸麻辣味好香🤤。麻辣度我哋揀選咗小辣，只要唔咬開辣椒，完全係我可接受嘅範圍👌，嫩滑嘅雞肉索上麻辣汁真係好好食呢！最後我哋食晒全部雞，剩番低啲配料，食到底更加可見到個麻辣底好足料，用上大量🌶辣椒、蒜頭、洋蔥、花椒、八角等去煮，難怪佢咁惹味啦。題外
本身諗住同個朋友食任食火鍋，點知我放工坐巴士又暈車浪，搞到冇晒胃口☹️。不過既然都出到嚟，我又唔想掃朋友興，所以照食啦。我哋八點鐘去到「淥鼎記」，店員好快安排我哋入座。
環境唔錯，冷氣充足，而且枱與枱之間相隔有一定距離，客人食得安心。任食火鍋的話，餐廳都有OK大嘅自助位拎嘢食👍。
去到先知原來餐廳唔止得任食，都有得單點，咁就實在太好了，因為我今晚真係冇辦法食太多😭，而朋友亦都滿足到佢想食雞煲嘅願望。單點就主要食雞煲或者酸菜魚。
餐廳採用QR Code落單，但店員們都樂意協助😊。
重慶麻辣雞煲($138/細)，🐔雞煲有得揀辣度同埋大小。我哋兩條友就梗係揀個細雞煲啦，其實份量都幾多，起碼有半隻雞，而且雞肉大大件，唔係一味噒骨🐓。
重慶麻辣雞煲
$138
32 views
0 likes
0 comments
麻辣度我哋揀選咗小辣，只要唔咬開辣椒，完全係我可接受嘅範圍👌，嫩滑嘅雞肉索上麻辣汁真係好好食呢！最後我哋食晒全部雞，剩番低啲配料，食到底更加可見到個麻辣底好足料，用上大量🌶辣椒、蒜頭、洋蔥、花椒、八角等去煮，難怪佢咁惹味啦。
題外話，餐廳用上電子爐，感覺安全，而且🍲雞煲個煲柄用木製，唔怕燙到🙏🏻。
熊仔奶茶
$20
137 views
0 likes
0 comments
奶茶份量都幾多，凍奶茶同奶茶熊仔冰分開上，所以實在啱晒貪玩嘅我🙈。我可以幫熊仔淋浴，哈哈。
你睇吓其中一隻熊仔浸親遇溺好慘慘豬啊😍。講返杯奶茶嘅味道，幾好飲同幾滑，唔算太甜。
總括嚟講，雖然呢日只係食得好少嘢，但雞煲同奶茶質素都唔錯，有機會我會想返嚟試下佢嘅任食火鍋。雞煲來講，佢算好好食😋，而且亦都唔貴，如果可以跟埋薯粉索汁就無敵。
Post
