8Five2 Restobar

Open Now

Now Closed

成日經過見到呢間墨西哥餐廳都好有氣氛，今日同朋友終於去咗試吓。平日大概七點到餐廳都差不多8成滿，臨近節慶，建議大家提早訂位。🥗先點咗一份墨西哥牛肉玉米餅沙律（$138），色彩豐富配搭特別，有牛肉碎、新鮮沙律菜、紅石榴、牛油果、車厘茄、酸忌廉、乳酪、芝士等，撈埋一齊食有豐富嘅口感，好清新嘅開胃菜式。🫔墨西哥薄餅、卷餅就食得多，第一次食呢款用芝士焗嘅玉米餡餅Enchiladas（$168），揀咗豬肉餡Pulled Pork，餡料豐富，每啖都食到香濃嘅醬汁同拉絲芝士，口感較濕潤，辣度溫和，味道有層次。🫔天寒地凍，最適合叫返個鐵板薄餅 Fajitas （$198），餡料揀咗燒牛肉grilled beef ，一上檯已經香氣撲鼻，有大量燒洋蔥同雜椒，燒牛肉用上牛扒，肉味香濃有口感，用薄餅夾埋牛油果醬、酸忌廉、莎莎醬一齊食，味道豐富。餐廳整體氣氛熱鬧，適合同朋友把酒暢飲或慶祝節日，菜式份量大，食物款式多，適合多人共享。