Café Lab (Closed)

今晚約咗朋友行荔枝角啲D2，行到明愛附近發現呢間隱蔽嘅木系cafe。店裏裝修都好靚，以木系為主，可見老闆細心設計過，雖然店面細細但不會令人有侷促嘅感覺環。正面主要係老闆一人負責，所以製作時間需時，請耐心等候。首先要左帶子刺身薄片做前菜，呢款好考刀功，夠哂薄同新鮮！之後要咗阿根廷紅蝦扁意粉，蝦肉夠彈牙！另外要主菜一款係香煎盲曹魚柳，配上奶油汁，魚柳充滿奶油香，好特別，底下配上薯蓉口感順滑。另一款要美國封門牛柳，呢款超推介。牛柳份量頗多，肉質腍嫩，火候恰到好處！另外飲品要左店員推介嘅焙茶latte，呢個超驚喜，焙茶味濃郁，值得一試。仲有唔同花茶比大家選擇。以小店來講佢嘅食物質素好高超，原來老闆係曾經做過國泰貴賓室大厨，因為疫情而要自立門戶。地理位置雖然唔會太就腳，但以食物質素同老闆嘅用心服務來講推介大家好值得一去，不坊支持下呢類街坊小店。