茶A (Closed)

今日去左呢間茶餐廳，見佢裝潢好靚，又乾淨企理，所以一開始都唔知係茶餐廳。好多款式，想食飽肚D所以叫左鹹魚雞粒炒飯，好香口，飯量都幾多，一個女仔都食唔曬。之後叫左個滑蛋叉燒飯，賣相好靚仔。D蛋真係做到滑蛋! 叉燒飯係半肥燒，外面有焦蜜咁，唔會乾柴柴，好好食。飯中間仲有D豉油，撈埋食很正。野飲叫左紅豆冰，紅豆勁多!好好飲，仲有好多特色野品，留番下次啦! 整體黎講，野食幾唔錯，而且吸引，住粉嶺嘅人有福了！！！