二兄車麵館 (Under Renovation)

今晚忙到又攰又餓😢就係附近快食完返屋企，見到大圍呢間新開嘅餐廳，又有車仔麵又有中西美食，選擇都幾多！籠仔荷葉蒸龍躉飯 $$78/1人份真心有驚喜🤩一人份量都算大，炒飯底夠香口，仲有荷葉、金銀蒜嘅香味，淨食飯已經好好食😋龍躉片又厚又大塊，肉質紮實都幾新鮮！濃雞湯花膠玉掌米線🍜 $55湯底濃郁有膠質，加上大大件花膠感覺充滿骨膠原😍鵝掌同冬菇都炆得好入味！感覺好補身😂炸蠔餅🦪 $39/細份點解細份都咁大嘅⁉️蠔肉粒粒肥大飽滿，炸得金黃酥脆，沾上魚露鮮味十足👍🏻本身仲諗住求其食個頹飯就算，又估佢唔到咁好食喎🤭餐廳地方寬敞，座位舒適，職員都好傾得！可以再嚟encore！